DAVAO CITY-Gitugtan na sa Land Transportation Franchising and Regulatory Board (LTFRB XI) ang pagpasakay og pasahero nga magtindog kung ugaling okupado na ang gisakyan niining pangpasaherong sakyanan.
Apan gipaklaro usab ni LTFRB XI Regional Director Nonito Llanos III, gikinahanglang ipatuman lamang kini sa mga lugar nga gipailalom sa alert level 1 status o mas luag ang restriction batok sa COVID subay sa LTFRB memorandum circular 2022-070.
Dugang gipahayag sa opisyal nga sa mga Public Utility Buses (PUB), gikinahanglan nga mukabat lamang sa kinse ka pasahero ang tugtan nga magtindog ug ipatuman ang 1 person apart samtang sa mga gagmay’ng bus, gitugtan ang napulo ka mga pasahero nga magtindog samtang sa mga modern PUJ, lima ka mga pasahero ang gitugutang magtindog.
Gipahayag pa niini nga gikinahanglang mosunod sa nahisgutang kamando-an aron dili mapahamtangan og multa.
