DAVAO CITY – Nanganti ang mga sakop sa Land Transportation Office (LTO) nga dili sila magpanuko nga moduso ug kasong obstruction, disregarding traffic signs ug illegal parking on bike lane batok sa mga motorista nga padayong nakasupak sa mga polisiya nga gipatuman karon sa mga kadalanan sa dakbayan.
Una ng gibutyag ni Law Enforcement Service sa LTO-11 nga si Thomas Edward Roales, hugtanon na ang ilang gipahigayon karon nga Intensive Operations sa bike lane system.
Laraw sa nahisgutan nga lakang nga mabansay sab ang uban nga mga motorista nga motamud kung unsa man ang balaod ug i-respeto ang bicycle lanes.
Kinahanglan sab sumala pa nila nga ipatuman ang unod sa probisyon sa Department of Transportation (DOTr) kung hisgutan ang bike lane sa dakbayan.
Kahinumduman nga ang bike lane sa dakbayan gipondohan ug P145.371 milyon pesos.
Bisan nga tin-aw ang mga signages nga gipahimutang sa mga bike lanes, aduna pa gihapoy nga mga nagasubay sa mga kadalanan ilabi na ang mga nagamaneho ug motorsiklo hinungdan nga dili sila magpanuko nga isyuhan ang mga nahisgutan ug ticket.
