DAVAO CITY – Luyo sa gipagula nga guidelines sa Department of Transportation (DOTr) kalabot sa social distancing ug community quarantine, padayon pa gihapon ang Land Transportation Franchising and Regulatory Board-Davao Region (LTFRB-Davao) sa pagsikop sa mga public utility vehicles (PUV) drivers nga dili motamud sa two-meter passenger distance
Sumala pa kang LTFRB-Davao director Armand Dioso nga nagpagula na ug kamandoan ang DOTr diin kinahanglan nga mandato ang tanan nga mga land-franchised vehicles sama sa buses, jeeps, UV express vans, ug taxis nga tumanon ang pahimangno sa Department of Health (DOH) nga social distancing pinaagi sa paglimita sa mga pasakyon nga pasahero.
Apan luyo niini, mamatikdan pa gihapon nga adunay mga drivers ug operators ang padayon nga wala motamud sa kamandoan.
Sa bag-ohay pa lamang nga operasyon sa LTFRB, nasikop nila ang duruha ka dyip sa Lasang nga overloading o sobra sa gitugot nga original seating capacity nga gimando sa ahensiya. Lakip sab sa ilang nasikop ang usa van nga gawas sa overloaded, kolorum sab ang unit.
Gitino sa opisyal nga kadtong mga driver nga dili motamud sa distancing policy mamahimong mag-atubang ug breach of franchise, ug pabayrun ug P5,000 sa first offense ug P10,000 penalty sa second offense ingon man franchise suspension.
