DAVAO CITY – Isip kabahin sa walay pu-as pagpaningkamut sa mga miyembro sa medical health workers ilabi na ang pagtabang sa mga pasyente Covid-19, gilusad karon sa Land Transportation Franchising Regulatory Board (LTFRB)-11 ang libreng sakay alang sa mga nahisgutan.
Kalakip sumala pa sa mga bag-ong rota ang gilangkuban sa Digos paingon sa dakbayan sa Davao; Mahayag to SPMC, Toril paingon sa Southern Philippines Medical Center (SPMC) ug Calinan paingon usab sa SPMC.
Kahinumduman nga gisugdan ang pagpatuman ug libreng sakay sa mga medical health workers sukad nga nagsugod ang pandemiya human nga pipila sa mga nahisgutan ang dili pasakyon sa pampasaherong sakyanan gumikan sa ilang trabaho diin kadaghanan kanila ang expose sa Covid-19 patient.
Daghanang mga bus driver ug operator sab ang nagpadayag sa ilang pagpasalamat gumikan kay nahatagan sila ug kahigayon nga makapadayon sa ilang panginabuhian ilabi na nga kadaghanan sa mga nahisgutan ang nawad-an ug trabaho sukad nga nasinatian ang outbreak sa Covid-19.
