DAVAO CITY – Gibutyag ni Mizarah Arraz, Administrative Officer V sa LTFRB-XI nga ginahulat na lamang sa buhatan ang Executive Order (EO) gikan sa lokal nga kagamhanan dinhi sa dakbayan sa dabaw alang sa pag-require sa tanang Public Utility Vehicle (PUV) driver sa syudad sa drive-thru swabbing program.
Una ng gibutyag ni Arraz nga aduna nay advance advisory nga gipagawas ang buhatan alang niini pinaagi sa Office Circular No. 2021-04 apan wala pay kumpletong detalye alang sa maong direktiba.
Gitino niini nga lakip sumala pa sa nahsigutang ordinansa ang tanang PUV drivers sa dakbayan sama sa jeep, taxi, ug posibleng apil pa niini ang tricycle drivers ug riders sa delivery services.
Kahinumdoman nga una ng gitino ni Ashley Lopez, City Health Office (CHO) head, nga ginaplanohan na ug ginaplastar na karon ang himuong drive-thru swabbing area sa Davao Crocodile Park alang sa mga PUV drivers.
