DAVAO CITY – Nagpahimangno ang Nonito Llanos, regional director sa Land Transportation Franchising Regulatory Board (LTFRB)-11 sa mga driver ug operator nga mamahimong pahamtangan ug multa ang mga nahisgutan sa higayon nga mokolekta ug sobra nga pletihan sa ilang mga pasahero bisan nga wala kini nahasubay sa mga Taripa.
Kahinumduman nga nakadawat na ug daghanang reklamo ang ilang buhatan sa mga abusadong driver sa mga pampasaherong dyip gumikan sa sobra nga singil ug pamasahe.
Sumala pa kang Llanos nga dakong sayop ang maong binuhatan sa mga driver ug kinahanglan nga tumanon pa gihapon kung unsa man ang nakalatid nga saktong pletihan sa mga taripa.
Mamahimo lamang sumala pa nga magdugang ug pamasahe kung adunay gi-prubahan nga bag-ong fare matrix ang buhatan.
Hugtanon sab sumala pa nga gidili sa ahensiya ang sobra-sobra nga pagpasakay ug pasahero sa mga PUJs sanglit nagpadayon pa sab karon ang bahad sa Covid-19.
