DAVAO CITY – Mihatag ug katin-awan si Land Transportation Franchising and Regulatory Board (LTFRB) 11 Regional director Atty. Armand Dioso nga pabilin pa karon nga gipatuman sa dakbayan sa Davao ang 50 capacity nga pasahero sa mga pampublikong sakyanan luyo sa kamandoan sa National Government nga mamahimo na nga ipatuman karon ang Reduce Physical distancing.
Sa maong kamandoan, gikan sa usa ka metros himuon na lamang nga .75 ang distansiya sa mga pasahero hinungdan nga mamahimong madungagan na sab ang ihap sa mga mosakay sa PUV.
Gitataw sab ni Dioso nga wala pa sab sila nakadawat ug guidelines gikan sa lokal nga kagamhanan kalabot sa maong kamandoan hinungdan nga mas maayo sumala pa nga ipatuman na lamang una karon ang 50 percent capacity sa mga PUVs.
