DAVAO CITY – Hugtanon ang pahinumdom sa ahensiya sa Land Transportation Franchising and Regulatory Board (LTFRB)-Davao) ngadto sa public utility jeepney (PUJ) drivers ug sa mga pasahero nga pabilin pa gihapon ang pamasahe sa P9, kini human nga wala pay pag-apruba sa maong sugyot gikan sa ilang buhatan sa kaulohan.
Una ng gibutyag ni LTFRB-Davao Director Nonito Llanos III nga wala pa gisapinal karon sa central office ang naka-ong-ong nga petisyon nga isaka pamasahe sa Luzon ngadto sa P15 samtang P1 ang sa provisional increase.
Pipila sa mga transport group gikan sa National Capital Region (NCR), Central Luzon, Mimaropa, ug Calabarzon ang pipila lamang sa mga miduso ug petisyon alang sa fare increase.
Gani wala sab nakadawat ang LTFRB-11 ug petisyon gikan sa transport groups dinhi sa dakbayan.
Gipasalig sa opisyal nga kung madawat na nila ang approval gikan sa ilang central office, gilayon nila nga pahibaw-on niini ang publiko.
Nakasabot sumala pa ang buhatan sa yango-yango sa mga drivers gumikan sa sunod-sunod nga pagsaka sa presyo sa lana apan kinahanglan nga ipaagi una kini sa makuti nga diskusyon.
Samtang gipahimangnoan sab niini ang mga PUJ drivers nga dili mo-comply sa minimum fare rate ingon man sa senior ug student discount ang mamahimo nga mapahamtangan ug sanction kalakip na ang posibleng pag-revoke sa prangkisa niini.
