DAVAO CITY – Mipahimangno ang Land Transportation Franchising and Regulatory Board (LTFRB) 11 ngadto sa mga Public Utility Jeepney (PUJ) drivers nga kinahanglan batasanon niini ang pag-disinfect sa ilang mga unit aron masiguro nga mapabilin kini nga luwas sa panglawas sa mga pasahero batok sa Covid-19.
Kalakip sa pahimangno sa ahensiya ang pag-check kanunay sa mga babag o cover sa mga gipahimutang sa mga dyip ug kinahanglan nga siguruhon nga wala kini buslot ug kanunay nga limpiyo.
Delikado sumala pa kung dili limpiyohan ang mga unit ilabi na nga si bisan kinsa ang mosakay niini.
Nagbahad si Atty. Armand Dioso, regional director sa LTFRB-11 nga kung dili motamud ang mga PUJ driver sa mga polisiya, hayan nga mag-atubang kini ug multa nga P5,000.
