DAVAO CITY – Gitugutan na sa Land Transportation and Franchising Regulatory Board (LTFRB) ang Caraga Region-Davao City bus route nga maka-operate.
Gikanayong ang mga pasahero sa Davao nga moadto sa Caraga Region mamahimo na nga makabiyahe sugod sa Agosto dungan sa gipagula nga kamandoan.
Sumala pa kang LTFRB XI Regional Director Armand Dioso ang pag-abli sa tulo ka mga trips matag adlaw gikan Caraga Region paingon sa dakbayan sa Davao ug vice versa.
Sa kasamtangan, gisapinal pa sa LTFRB ang schedule ug makiglambigit una sila sa mga government units diin adunay biyahe ang mga bus kini aron nga matuman ang health protocols ug rekisitos nga kinahanglan isumite sa pasahero.
Hugtanon karon nga gipatuman sa LTFRB ang istrikto nga pagpatuman sa terminal-to-terminal drop-off ug pick-up point policy sanglit ang mga pasahero makapailalom na sa health ug symptom screening samtang anaa pa kini sa bus terminals.
Bisan nga adunay mga bag-ohan, magpabilin pa gihapon ang P13 sa unang lika ka kilometros ug P2.80 sa matag sunod-sunod nga kilometro.
Samtang ang mga biyahedor nga gikan sa Davao City ang gipahimangnoan kalabot sa mga protocol sa Caraga Region diin tanan nga mga pasahero mo-presenta ug negative Rapid Diagnostic Test (RDT) result ug uban pang documentary requirements sama sa travel permit.
Gikonsulta sab ni Dioso ang Regional Task Force Region XI kalabot sa pipila ka mga dokumento nga gikinahanglan sa mga pasahero nga gikan sa Caraga Region. Ang pag-abli sa Davao City-Caraga Region route mao ang unang inter-regional route sukad nga gisugdan ang Community Quarantine kaniadtong milabay nga bulan sa Marso.
