DAVAO CITY – Gipasalig sa Land Transportation Franchising and Regulatory Board (LTFRB)-11 nga ihatag gilayon ang fuel subsidy ngadto sa 14,000 ka mga benepisiyaryo niini sa Davao region human ang pagkalangan gumikan kay kinahanglan pa nga asikasuhon ang pipila ka mga gikinahanglan nga mga rekisitos.
Sumala pa kang LTFRB regional Director Nonito Llanos, anaa na matud pa ang pundo ug gihulat na lamang nga mabalhin paingon sa card sa mga benepisiyaryo.
Una ng nasayran nga napagan lamang ang pundo nga gigahin alang sa Davao region sanglit adunay pipila ka mga rehiyon sa nasud ang wala pa sab nakakompleto sa mga gikinahanglan nga rekisitos.
Hinuon gipasalig sa opisyal nga laoman sumala pa nga mahatag na ang fuel subsidy card sa mga pampasaherong sakyanan ayha matapos ang kasamtangan nga bulan.
