LPA nga anaa sa gawas sa PAR, padayong ginamonitor sa PAGASA

Gibantayan sa PAGASA ang usa ka low pressure area (LPA) nga nahimutang sa gawas sa Philippine Area of Responsibility (PAR).

Kini ang unang higayon nga adunay namonitor nga LPA sulod sa miaging tulo ka adlaw, human sa sunod-sunod nga bagyo nga misulod sa nasud.

Namatikdan niini ang pagkamapanganurong sa kasadpang bahin sa pinakahabagatang dapit sa Northern Luzon, diin gawas pa gihapon kini sa PAR.

Giklaro sa mga eksperto nga taas ang posibilidad nga kini mahimong usa ka bagyo sulod sa mosunod nga 24 ka oras.

Ug kung kini mosulod sa PAR ug mahimong tropical depression, tawagon na kini og Bagyong Fabian.

Gipahimangnoan ang katawhan sa tibuok nasud nga magmatngon ug magpabiling mutamod sa mga impormasyon bahin sa kahimtang sa panahon.