Misulod na sa Philippine Area of Responsibility (PAR) ang usa ka low-pressure area (LPA) nga nahimutang sa silangan sa Mindanao niadtong Domingo sa buntag, sumala sa Philippine Atmospheric, Geophysical and Astronomical Services Administration (PAGASA).
Matod sa advisory sa PAGASA, ang LPA naa sa 845 kilometro sa silangan sa Northeastern Mindanao ug adunay taas nga posibilidad nga molambo isip tropical depression sulod sa sunod nga 24 oras.
Kon mahimong tropical depression, kini hatagan og ngalan nga “Verbena.”
Base sa forecast track, gipaabot nga maapektuhan ang kadaghanan sa Visayas ug Southern Luzon, busa gipahimangnoan ang publiko sa posibleng kusog nga ulan, hangin, ug baha sa umaabot nga mga adlaw.
Gisugyot sa PAGASA nga mag-andam ang mga lokal nga komunidad ug subayon ang mga updates aron malikayan ang kadaut ug disgrasya.
