DAVAO CITY – Gihaya na ang patay’ng lawas sa usa ka 74 anyos nga lola nga human kini nahilakip ug kasunog dihang naugdaw ang iyang payag gipoy-an sa Purok 9, Barangay Poblacion lungsod sa Sulop, Davao del Sur. Una ng naila ang biktima nga si Myrna Langgabon, 74 anyos, residente sa nahisgutan nga dapit.
Sa ulahing imbestigasyon sa kapulisan, nahinakok ug katulog ang biktima ug wala na niini namatikdan ang paspas nga pag-ulbo sa sunog.
Gikanayong nagsugod ang sunog sa abohan sa iyang panimalay gumikan sa napasagdan nga baga. Dali nga mikanit ang kalayo gumikan kay gama lamang ang pinuy-anan sa light materials.
Mikabat sa baynte dos mil ka pesos ang namugna nga danyos sa nahisgutan nga sunog.
Nanawagan na lamang ang Bureau of Fire Protection (BFP) sa publiko nga kanunay magbinantayon ug likayan ang mga butang nga sagad maoy hinungdan sa sunog.
