DAVAO CITY – Nagpagula karon og pahimangno ang lokal nga panggamhanan sa island garden City of Samal isip usa sa ilang mga lakang aron nga mapugngan ang pagsulod sa corona virus sa isla.
Isip usa sumala pa sa ilang pro-active measure aron nga ma-protektahan ang ilang katawhan batok sa Corona Virus inubanan sa koordinasyon tali Department of Tourism, temporaryo nga gipatuman sa Local Government Unit sa Island Garden City of Samal ang pagsuspende sa pagpasulod sa grupo sa mga tour travels nga Chinese ug uban pang asian nationals sa ilang siyudad.
Wala sumala pa nila gipadaplin ang pagpromotar sa turismo sa ilang lugar apan himuon nila ang maong lakang alang sa kaluwasan sa ilang katawhan.
Nanawagan sila sa ilang mga ka-partner sama sa mga tour operators, mga ahensiya ug tanan nga mga stakeholders nga suportahan ang lakang sa ilang lokal nga panggamhanan gumikan kay alang lamang sumala pa kini sa kaluwasan sa katawhan.
