DAVAO CITY – Gibutyag ni Covid-19 Task Force spokesperson Dr. Michelle Schlosser nga wala pay plano ang lokal nga kagamhanan nga magpahigayon ug night vaccination nga alang sa mga empleyado nga ilalom sa A4 priority group luyo sa mga apela.
Sumala sa nahisgutan nga bisan gikonsidera ang nahisgutan nga lakang aoan dili pa kini mamahimong mapatuman kini tungod kay limitado lamang ang ihap sa mga personahe nga modumala niini.
Dili sab sumala pa kini maayo sa panglawas sa mga frontliners.
Gitataw sab sa nahisgutan nga responbilidad sa mga employers nga tugtan ang ilang mga empleyado nga magpabakuna atol sa office hours.
Apan magdepende pa gihapon kini sa internal arrangement sa kompanya.
Dili sab sumala pa magdugay ang mga nahisgutan sa paglinya sa vaccine sites.
Gikanayong pipila sa mga vaccination sites ang nagapahigayon pa gihapon ug vaccine rollouts karong weekends aron nga ma-cater kadtong mga empleyado nga dili makaadto atol sa office hours.
Una na sab nga gibutyag ni Davao City Mayor Sara Duterte-Carpio nga walay plano ang siyudad nga magpahigayon ug night-time vaccination rollout sa kasamtangan.
