DAVAO CITY – Positibo ang lokal nga kagamhanan sa dakbayan sa dabaw nga makab-ot ang herd immunity sa dili pa mahuman ang tuig kasamtangan.
Kini human gikatala na karon ang dul-an 66% sa herd immunity o dul-an 800,000 ka mga indibiduwal ang nabakunahan na ug first dose batok covid 19.
Subay sa record sa Davao city covid 19 task force naa na sa 66.8% o 792,932 ka mga tawo na nahatagan na ug fist dose sa bakuna samtang, 55.81% o 669,770 usab ang nakadawat na sa ilang second dose o mga fully vaccinated nga mga tawo.
Tungod niini, gikanayon ni covid 19 task force spokesperson Dr Michelle Schlosser, taas ang puruhan nga maangkon na sa syudad ang 70 – 80 % herd immunity o 1.2 million ka mga tawo nga mabakunahan gikan sa kinatibuk-ang populasyon sa syudad sulod karong tuiga.
Aron mahimong mas paspas ang pagbakuna sa syudad ug matuman ang target nga 15 mil ka mga mabakunahan sa matag adlaw, mopahigayon na ug mga pagbakuna sa matag adlaw nga sabado ug domingo, ug dungagan usab ang mga vaccination site sa bakuna night ngadto sa 4 ka mga dagkong malls sa syudad.
