DAVAO CITY – Nagpadayon karon ang gipahigayon nga swab testing sa lokal nga kagamhanan sa mga driver sa pampasaherong sakyanan nga kabahin pa gihapon sa mga gihimong lakang sa lokal nga kagamhanan aron nga mapugngan ang pagsaka sa kaso sa Covid-19.
Tipik lamang kini human nga 12 sa 2,300 ka mga public utility vehicle (PUV) ug delivery service drivers ang nagpositibo sa COVID-19.
Una na sab nga gibutyag ni Dr. Ashley Lopez, head sa CHO nga sakop sa maong data ang Abril 26 hangtud na sa Mayo 2 nga period.
Sagad sumala pa sa mga nagpositibo ang gilangkuban sa mga PUV ug delivery service drivers diin makonsidera ang mga nahisgutan nga “outside transmission” gawas sa community household transmission.
Gikanayong anaa sa 20,000 PUV drivers ang naka-rehistro sa libre nga RT-PCR testing diin target nila karon ang daily quota nga 500 PUV driver alang sa swab testing hangtud sa Mayo 8, 2021.
Padayon sab ang panawagan karon sa CHO ngadto sa mga PUV ug delivery service drivers nga mo-avail sa libre nga RT-PCR testing karong semana semana ug Crocodile Park alas 8:30 sa buntag hangtud sa 11:30 sa buntag.
Gikanayong ang mga driver nga mopailalom sa libre nga surveillance RT-PCR testing kinahanglan nga madala ug kaugalingon nga ballpen ug driver’s license o bisan unsa man nga government-issued ID sa testing center.
Gawas sa swab test ang mga driver nga gipailalom sa swab ang makapahimulos sab sa libre nga tuberculosis (TB) testing ug makadawat sab ug grocery packs, face masks, ug face shields uban ang vitamins ug snacks.
