DAVAO CITY – Padayon karon ang gipahigayon nga information campaign sa lokal nga kagamhanan aron nga ipasabot ngadto sa mga residente sa siyudad ang kamahinungdanon sa pagpabakuna batok Covid-19.
Sa kasamtangan okupado si Konsehal Mary Joselle Villafuerte sa maong kampanya kini aron nga mawagtang ang kabalaka ug kahadlok sa katawhan sa maong bakuna.
Mas maayo sumala pa nga sa mga eksperto lamang motuo ug dili sa tsismis ilabi na nga mipailalom ang bakuna sa hugtanon nga pagtuon.
Gihimo karon sa siyudad ang information campaign gumikan kay anaa sa kapin usa ka milyon ka mga dabawenyo ang target karon sa siyudad nga matuplokan ug covid-19 vaccine ug pagpangandam na sab kini sa moabotay nga bakuna karong bulana.
Kahinumduman nga daghanan ang mibati ug kahadlok nga magpatuplok ug covid-19 vaccine gumikan sumala pa sa insidente sa bakuna nga dengvaxia nga mihatud matud pa ug dili maayong epekto ngadto sa panglawas mga bata nga natuplokan.
