DAVAO CITY – Gibutyag ni Mayor Inday Sara Duterte-Carpio nga padayon ang pagpangandam sa mga otoridad alang sa mga pagsaka sa kaso sa Covid-19 sa syudad gumikan sa post holiday surge.
Diin milusad ang lokal nga kagamhanan og PAY Temporary Treament Monitoring Facility kun PAY TTMF kini alang sa mga pasyente nga dili mupahigayon og isolation sa pasilidad nga gi-andam sa mga otoridad, kini alang sa mga pasyenteng mild ug asymptomatic.
Kahinumdoman nga una ng gitataw sa mga otoridad nga nangandam na kini alang sa gilaoman nga post-holiday surge o pagsaka sa kaso sa Covid-19 sa syudad gumikan sa panagtapok-tapok kaniadtong holiday season.
Gani, padayon nga nagasaka ang kaso sa Covid-19 sa syudad diin gilaoman nga masinatian matud pa ang holiday surge sa ikatulo o ulahing semana sa Enero.
Sumala sa Mayor nga ang PAY TTMF kini ang pasilidad nga gitagana sab nga isolation facility apan dili na kini libre diin kinahanglan nga mubayad ang pasyente alang sa ilang quarantine.
Dugang niini ang PAY TTMF adunay mga packages nga kinahanglan nga i-avail sa mga mild ug asymptomatic patient nga gilangkuban sa 10 days quarantine, adunay pagkaon ug check-ups.
Gitataw sab sa Mayor nga kasamtangan, aduna nay 3 ka mga indibidwal ang mipailalom sa gilusad sa kagamhanan nga PAY TTMF.
