DAVAO CITY – Gi-andam na karon sa lokal nga kagamhanan ang ihatag nga hinabang alang sa mga nabiktima sa nahitabong sunog kagahapong adlawa sa Lower Zone 5 St Jude Buhangin Davao diin anaa sa 11 ka mga panimalay ang gilamoy sa kalayo.
Nakiglambigit na sab karon ang mga personahe sa City Social Services and Development Office (CSSDO) sa Barangay aron nga mapailalom gilayon sa evaluation ang mga apektadong residente ug gilayon nga mahatagan ug hinabang.
Sa kasamtangan, padayon pa ang gilusad nga imbestigasyon sa Bureau of Fire Protection (BFP) 11 ingon man ang damyos sa nahitabo nga sunog.
Kahinumduman nga sa milabay lamang nga semana, adunay nahitabong sunog sab sa siyudad hinungdan nga pahimangno sa ahensiya nga kanunay magbinantayon aron nga makalikay sa susama nga insidente.
Una ng gibutyag ni Kagawad Daniel Gatchalian sa nahisgutan nga lugar nga nagsugod sumala pa ang sunog sa kuwarto sa panimalay ni Ludy Matibo.
