DAVAO CITY – Padayon ang panawagan sa lokal nga kagamhanan ngadto sa publiko nga moko-operar sa gipahigayon nga profiling sa mga sakop sa contact tracers kini isip usa sa mga lakang aron nga mapabilin ang pagmonitor sa dakbayan sa mga indibidwal o mga miyembro sa pamilya nga wala pa nabakunahan ingon man kadtong mga fully vaccinated apan wala mipailalom sa booster shot.
Kaabag sa mga contact tracers ang Barangay Health and Emergency Response Team (BHERT) diin ilang suhiron ang tibuok lumulupyo sa usa ka Barangay arun nga masayran alamang ang status sa usa ka pamilya ilabi na kung hisgutan ang panglawas ug pagbakuna batok sa Covid-19 partikular na sa mga bata, Tigulang ug kadtong adunay gihambin nga balatian.
Kahinumduman nga okupado karun ang dakbayan sa vaccination roll out kini human namatikdan nga nagpabilin nga ubos ang ihap sa mga indibidwal nga nagpa-booster shot.
Padayon ang panawagan sa lokal nga kagamhanan ngadto sa publiko nga pahimuslan ang bastante nga supply sa bakuna aron nga magbaton ug igong proteksiyon sa kaugalingon ilabi na nga posible pa gihapon nga masinatian ang surge sa covid-19 gumikan sa mas gipalu-agan nga alert status.
