DAVAO CITY – Daku ang pagtoo sa lokal nga kagamhanan nga dili na subli pa nga makasinate ang dakbayan ug lain nga surge sa Covid-19 surge nga maoy hinungdan nga daghanang mga barangay ang mapahimutang sa high risk kini tungod na sab sa taas nga vaccination rate sa siyudad.
Kamatikdan nga adunay pag-ubos sa ihap sa Covid-19 cases sa dakbayan human nga nakasinate ug surge sa milabay nga bulkan sa Enero ug Pebrero.
Sa pinakaulahing vaccination data sa dakbayan, kamatikdan nga anaa sa 1,313,085 Dabawenyos ang nakadawat ug first dose, nga 86.48 percent sa target nga 80 percent sa total population sa dakbayan samtang 1,283,963 o 84.57 percent ang fully vaccinated.
Samtang kung hisgutan ang booster dose administration sa siyudad sukad Marso 4, anaa pa gihapon sa 15,289 ang nakapailalom niini nga gikonsiderang low turnout sumala kang Davao City Covid-19 Task Force spokesperson Dr. Michelle Schlosser.
Walay natala na sab karun nga mga barangay sa siyudad nga anaa sa critical, high risk, ug moderate risk areas.
Sa kasamtangan ang dakbayan sa Davao ang anaa karon sa minimal risk uban ang ubos nga 2WGR -74.63 ug ubos nga Adars nga anaa sa 0.52. Gikanayong ang 2WGR ug Adar mao ang duruha ka parameters nga gitakda sa Inter-Agency Task Force for the Management of Emerging Infectious Diseases (IATF) ug gigamit sa lokal nga kagamhanan arun madetermina kung paunsa ka paspas ang pagkatag sa infection sa usa ka area.
Sa kasamtangan nga daghanan na nga mga negosyo sa siyudad ang nangabli ug nagpadayon sa ilang operasyon sukad nga gipailalom ang siyudad sa Alert level 1.
