DAVAO CITY – Mihatag ug katin-awan ang opisyal sa lokal nga kagamhanan nga wala sumala pay kalambigitan niini ang controversial billboard nga mubabag sa vaccination partikular na sa pediatric age groups nga five to 11 years old.
Sumala pa kang Covid-19 Task Force spokesperson Dr. Michelle Schlosser nga ang nanag-iya matud pa sa billboard ang buluntaryo nga mitangtang sa maong billboard.
Kahinumduman nga una ng gikuwestiyon sa The Alliance of Dabawenyos for Freedom and Informed Choice (ADFIC) ang pagtangtang sa ilang billboard nga aduna matud pay sugo gikan sa Office of the City Building Official (Ocbo).
Apan gikanayuon ni Ocbo head Cirinia Grace Catubig nga nagpadala sila ug sulat sa nanag-iya sa billboard nga boluntaryo nga tangtangon ang iloang billboard post sanglit wala pa na-renew ang ilang permit to operate.
Gitino sa opisyal nga adunay pag-amyenda nga gihimo ang siyudad sa Signage Ordinance, nga una ng gi-aprubahan sa milabay nga tuig.
Apan gibutyag sab ni Catubig nga mamahimo sab tangtangon sa siyudad ang mga billboard nga adunay mga offensive o dili haum nga makita sa mga minor de edad.
Unod sab sumala pa sa National Building Code ug City Ordinance 092 series of 2000 nga kadtong mga existing signages o billboards nga walay permit ang dili mamahimo nga i-display gawas na lamang kung aduna silay gikinahanglan nga mga permit nga renewable matag tuig.
Samtang mi-alma sab ang ADFIC sa naunang pahayag ni Schlosser nga mihimo na ug lakang ang lokal nga kagamhanan pinaagi sa City Legal Office kung unsa ang ilang mahimo batok sa mga tawo nga mipaluyo sa maong billboard.
Gibarugan sa grupo ang ilang apela sa mga ginikanan nga huna-hunaon sulod sa pipila ka higayon ayha pabakunahan ang ilang mga anak batok Covid-19.
Wala na sab ug dugang poahayag si Schlosser may kalambigitan sa komento sa grupo kalabot sa pagtangtang sa ilang billboard.
