DAVAO CIOTY – Gipasalig ni Atty. Lawrence Bantiding nga manubag kung si kinsa man ang responsable sa nahitabong pagkalanag sa 33 ka mga delegado sa DAVRAA 2018.
Kahinumduman nga gidala gilayon ang mga nahisgutan sa balay tambalanan kauban ang 3 coaches ug 1 kitchen staff nga nakasinate ug sintomas sa food poisoning.
Gikanayong ang mga apektado delegado ug coaches nanga-on sa ilang panihapon nga giprepara sa Mati contingent managers. Gilayon nga nagpadala ug assistance ang local nga panggamhanan alang sa mga apektadong delegado.
Naka-standby sab ang medical teams gikan sa Central 911 nga maoy midala sa mga delegado sa ospital alang sa tukma nga pagtambal.
Subay sa assessment sa attending physicians ug officials gikan sa City Health Office, tanan nga mga apektadong delegado gikatakda nga makig-atbang sa mga sporting events.
Hinuon gipasalig sa City official nga padayon nila nga imonitor ang mga delegado ug mohimo gilayon ug mga sumbanan aron nga dili na subling mahitabo ang insidente.
