DAVAO CITY – Mipagula ang lokal nga kagamhanan ug guidelines diin tumong niini nga masolusyonan ang ihap sa mga indibidwal, socialization ingon man overcrowding sa mga workplaces ug establisyemento kini human nga nasayran nga sagad sa kaso karon sa covid-19 ang nanukad sa mga gi-trabahoan ug madala kini pauli sa mga panimalay.
Tungod niini, gi-awhag ang mga pribadong buhatan nga mopatuman ug working arrangements kini base na sa kamandoan sa Inter-Agency Task Force (IATF) ug Department of Trade and Industry (DTI) kaabot sa operational capacity.
Sa gilagdaan nga Executive Order ni Vice Mayor Sebastian “Baste” Duterte, gimandoan ang mga government offices ug establishments nga sagupon ang uban nga alternative work arrangements (OAWA) sugod sa adlaw nga lunes, Oktubre 26 hangtud December 31.
Gikanayon sa Bise Mayor nga kinahanglan paubsan ang ihap sa mga indibidwal sulod sa mga opisina ug establisyemento aron masiguro nga malikayan ang pagtapok, malikayan ang mass gathering ug socialization.
Tumong sab niini nga malikayan ang lockdown sa mga opisina ug masiguro nga magpadayon ang operasyon sa mga government ug negosyo.
Kahinumduman nga sa bag-ohay pa lamang nga contact tracing activities sa City Health Office (CHO), pipila sumala pa sa mga buhatan ug establisyemento ang apektado sa covid-19 hinungdan nga natakdan sab ang ilang mga kabanay.
Sa mga government offices, ang alternative work arrangement ang ipatuman base sa Civil Service Memorandum Circular 10, s. 2020 diin kini gilangkuban sa skeleton workforce, work-from-home, ug staggered working hours.
Wala mga empleyado sab nga tugutan nga magpundo pa ug dugay sa mga buhatan.
Hugtanon sab nga imonitor sa mga heads sa opisina ang ilang mga empleyado aron masiguro nga mi-comply kini sa 40-hour workweek.
