DAVAO CITY – Mopahigayon ug monitoring ang lokal nga kagamhanan sa dakbayan sa dabaw ngadto sa mga beneficiaries sa “Student Siblings Tablet Sharing Project” niini aron masiguro nga ang mga laptop ug ang mga tablets nga gihatag ngadto kanila ang nakatabang ug dako aron ma-motivate sila nga makaangkon ug academic performance.
Gikanayon ni Davao- LGU Special Projects Program Manager ug Presidential Commission on the Urban Poor Commissioner Norman Baloro, ang distribution sa mga gadgets ngadto sa mga estudyante ang wala matapos sa ilang engagement tali sa mga estudyante ug mga ginikanan.
Sumala ni Baloro nga gina-inspire nila ang mga estudyante pinaagi sa monitoring.
Mas ganahan sumala pa ang mga benipesyaryo sa ilang ginahimo nga matag bulan motawag sila kung kumusta na ang tablet ug ang laptop ug labaw sa tanan ang grado sa mga bata.
Sukad gisugdan ang programa niadtong October 2020, ang syudad ang nakahimo ug 9 ka mga distributions sa mga laptops ug tablets nga gi-donate sa nagkadaiyang mga donors.
Kini ang naka-benepisyo sa kinatibuk-ang 2,932 ka mga estudyante.
Ang katapusan nga distribution mao ang 500 ka piraso sa mga tablets nga gikan sa Cosmic Technologies Inc. o Cherry Mobile Philippines niadtong May 2, 2022, sa the People’s Park.
