DAVAO CITY – Gipatuman sa lokal nga kagamhanan ang pag-amenda sa duha ka sections sa Executive Order (EO) No. 2 series of 2017, o ang may kalabutan sa kamaugnaan sa sa Task force drainage sa dakbayan sa dabaw.
kini ang pinaagi sa pagpagawas sa EO4 nga gilagdaan niadtong January 31, 2021, nga diha-diha gilayon nagbaton ug gahum.
Gilatid sa nahisgutang kamanduan ang kamahinungdan sa pag-update sa mga sakop sa task force nga langkuban sa uban pang buhatan ug mga organisasyon nga maghupot ug dakong papel sa pagpatuman sa drainage ug sa mga problema labot sa right-of-way.
Kahinumduman nga ang Task Force Drainage and Right-of-Way ang namugna niadtong February 6, 2017, nga nagtumong aron makatabang sa pagsulbad ug pagpangita ug mga pamaagi sa nasinantiang mga pagbaha ug grabe nga kahimtang sa dagan sa trapiko sa dakbayan sa dabaw.
Ang nahisgutang special body ang langkuban na karon sa mga representante gikan sa local ug national agencies/offices sa syudad.
Gimanduan ang task force nga makiglambigit sa mga hingtungdang ahensiya una o pagkahuman ipatuman ang construction sa national o city road projects.
