DAVAO CITY – Andam na ang siyudad sa ipahigayon nga simulation sa Covid-19 vaccination ang dakbayan sa Davao isip pagpangandam sa initial rollout sa bakuna. Sumala pa kang Konsehal Mary Joselle Villafuerte nga tumong sa simulation exercise nga madetermina ang kaandam sa siyudad alang sa ipahigayon nga vaccination.
Moadto sumala pa ang mga representante sa national Inter-Agency Task Force on Emerging Infectious Diseases (IATF-EID) dinhi sa siyudad aron mo-obserba sa maong exercise.
Himuon sumala pa ang nahisgutan nga lakang sa pampubliko ug pribadong hospital.
Posibleng ipahigayon kini sa sa katapusan sa ikaduhang semana o sa ikatulong semana karong bulana. Kabahin sa maong proseso ang pagbutang sa usa ka indibidwal sa waiting area ayha mopailalom sa registration.
Ayha sumala pa bakunahan, adunay himuon usab nga pre-vaccination counseling, health screening, dayon signing sa informed consent.
Adunay monitoring usab nga 30 minutos ngadto na sa usa ka oras sa unsa ka indibidwal nga gipailalom sa bakuna.
Gumikan ka yang bakuna gikan sa Pfizer-BioNTech ang una nga moabot dinhi sa siyudad, laoman nga magpadala ang Department of Health ug “ultra low freezer” diin ipahimutang ang bakuna. Kahinumduman nga ang BNT162b2 vaccine nagkinahanglan ug -70 degrees Celsius storage temperature.
Kahinumduman nga una ng gi-angkon ni Mayor Sara Duterte-Carpio nga kulang ug cold storage facilities ang siyudad nga usa sa mga rekisitos sa nahisgutan nga bakuna.
