DAVAO CITY- Nangandam na karon ang lokal nga kagamhanan sa tinuig nga 2021 Davao Pasko Fiesta diin kinatibuk-ang P255,000 cash prizes ang ipang-apud-apod.
Kalakip sa aktibidad nga gi-andam mao ang Star ng Pasko: Parol ng Pamilyang Dabawenyo Competition diin ang grand winners makaangkon ug P25,000.
Ang maong kompetisyon langkuban sa mga miyembro sa pamilya nga magtinabangay sa paghimo ug Parol.
Tulo ka mga grand winners ang makadawat ug P20,000 sa Family Tiktok Ngayong Pasko: Online Family Dance Competition.
Gikanayong ang mga pamilya mohimo ug 30-60 seconder Tiktok video dancing ginamit ang Christmas Song o official theme song sa Davao Pasko Fiesta.
Samtang sa Himig ng Paskong Dabawenyo: Online Family Caroling Competition ang adunay tulo ka mga grand winners diin matag winner makadawat ug P20,000.
Ang maong contest salmutan sa mga pamilya nga mokanta ug Christmas song o Christmas medley o portion sa official Davao Pasko Fiesta.
Ang tulo ka mga family grand winners makadawat ug P10,000 alang sa Paskong Litrato ng Pamilyang Dabawenyo: A Family Christmas Photo Contest.
Ang mga pamilya nga mopartisipar ang mosumite ug creative photo nga kuha sa ilang panimalay. Ang tulo ka mga grand winners makadawat ug tig-P10,000 sa Christmas Cards of Hope: Ang Davao Pasko Fiesta Family Christmas Card Making Competition.
Ang nahisgutan nga Christmas card usa ka contest nga salmutan sa mga pamilya.
Gikanayong ang mga kwalipikado nga mosalmut sa contests mao kadtong mga pamilya nga adunay upat ka mga miyembro, residente sa dakbayan ug atleast one year sa mismong petsa sa kompetisyon.
Kinahanglan sab nga mosumite ang mga pamilya ug resident certificates.
Gi-awhag ang mga dabawenyo nga mobisita sa Davao Pasko Fiesta Facebook page diin gawas sa mechanics mamahimo sab nga masayran ang schedules sa mga pa-contest.
