-- ADVERTISEMENT --
Napasakaan na og kaso ang usa ka babayeng nisulay pagpalusot sa ginadiling droga sa jail facility sa Mandug PNP, Davao City.
Una niini, pasado alas siete ning nakalabay’ng gabie, nasakpan sa otoridad atol sa inspeksyon ang gipalaman nga shabu sa loaf bread nga gidala sa 27 anyos nga babayeng giilang si alyas Jennifer.
Ihatag unta ang maong mga epektos sa napriso niyang higala nga si alyas Brian kinsa usa ka detainee sa Mandug Police Station.
Nakuha usab gikan sa suspek ang foil paper na gikatuohang drug paraphernalia og ang usa ka cellphone. Tingkagol sa bilanggoan ang nahisgutan kinsa nag atubang sa kasong paglapas sa Republic Act 9165 o ang Comprehensive Dangerous Drugs Act of 2002.
