DAVAO CITY – Gibisita ni Japanese Ambassador to the Philippines na si Kazuhiko Koshikawa ang Barangay Mintal nga giilang Little Tokyo dinhi sa Davao City, agig paghimundom sa 120 ka tuig sa Japanese migration dinhi sa Davao City nga nahitabo tuig 1903.
Unang gibisita sa ambassador ang Japanese Cemetery diin gipahimutang ang mga patay’ng lawas sa mga Hapon nga nanimuyo sa dakbayan paghuman sa World War II.
Unang natigayon ang panaghigalaay sa Davao City ug Japan tungod sa pagpakusog sa kanhing industriya sa abaca sa dakbayan.
Sa kasaysayan sa tibuok Barangay Mintal, daghanang mga Hapon sab ang gipili nga manarbaho og magpuyo sa Davao City sulod sa dugay nang panahon.
Gibisita ni Japanese Ambassador Koshikawa ang Davao City atol sab sa pagdunggo sa 2 ka Japanese Warships sa Japan Maritime Self-Defense Force Training Squadron Division 1 JS Shinazake ug JS Asagiri uban ang anaa sa 429 ka crew lakip na mga trainees alang sa Overseas Training Course nga gipahigayon dinhi sa Davao City ning nakalabay nga semana.
via || Bombo LJF
