DAVAO CITY – Mihatag ug katin-awan si Davao City Mayor Inday Sara Duterte-Carpio nga kinahanglan subling ibalik pagpatuman ang pipila ka mga polisiya sa siyudad human nga nagkagrabe pa ang kaso sa Covid-19.
Kahinumduman nga una ng gibutyag ni Mayor Inday nga ibalik ang pagpatuman sa liquor ban ingon man curfew hour nga magsugod sa alas 7:00 sa gabie hangtud sa alas 5:00 sa hapon karong oktobre 15, 2020 hangtud Disyembre 31, 2020 aron nga malimitahan ang lihok ang mga tawo.
Una ng gibutyag ni Mayor Inday nga dungan sa pagpatuman sa curfew, exempted niini ang mga empleyado sa gobyerno ug pribadong sektor nga mosulod sa trabaho atol sa oras nga magsugod ang curfew ingon man kadtong adunay mga kabanay nga namatay ug kinahanglan nga moadto sa lamay.
Nanawagan sab ni Mayor sa mga establisyemento, hotels, simbahan ug daghanan nga i-adjust sab ang ilang mga oras dungan sa pagbalik sa curfew hours.
Una na sab nga gibutyag sa Mayor nga daghanan pa gihapon ang dili motamud sa health protocols ilabi na ang pagsuot ug facemask bisan kadtong anaa sa tindahan sa ilang mga silingan.
