Kasagaran sa ginagamit karong pagluto og mga lamiang mga pagkaon, mao ang Liquefied petroleum gas (LPG), gumikan paspas ug sayon matud pa kining gamiton og itandi sa magsugnod pa og kahoy, diin kuti na kaayo pa buhaton.
Sagad sa ginabutangan usab sa maong LPG mao ang usa ka gas tank diin gituyo matud pa kana aron nga mamahimong luwas ang buot mugamit sa maong LPG, gumikan nasayran nga sensitibo matud pa ang usa ka LPG og ugaling adunay spark nga matigayon, gilayon dayon kining dakpon ang maong liquified gas og maoy hinungdan nga mamugna ang kalayo.
Apan, lahi kining naandan sa mga residente sa nasud sa Pakistan, gumikan inay nga gas tank nga gama sa bakal ang gamiton, selopin na hinuon ang ilahang ginagamit isip sudlanan sa ilahang LPG.
Makita sa maong hulagway nga naglutaw lamang ang maong selopin nga adunay sulod nga LPG gumikan gaan lamang matud pa ang mass sa maong gas.
Sumala pa sa mga residente nga nagagamit sa maong pamaagi nga nasayud gayud sumala pa sila nga delikado gayud kini sa ilahang kinabuhi, apan gumikan sa kapi-os diin wala kuno silay pangpalit nga gas tanker, maong napugos na lamang sila nga gamiton ang selopin aron nga magamit usab sa ilahang pag luto.
Subli sab nga nagpahinumdom ang mga otoridad sa Pakistan nga kinahanglan nga mag-amping na lamang sa paggamit niini, aron dili mangabuslot nga mao pa hinuon mahimong hinungdan nga makahatag og disgrasya sa kinabuhi.
