DAVAO CITY – Gipagawas na sa Davao City Tourism Operations Office ang schedule alang sa naghinapit nga Duaw Davao 2024 karong Hunyo. Manukad ang selebrasyon karong Hunyo 21 sa Duaw Davao Music Fest sa Rizal Park. Ipahigayon karong Hunyo 23 ang Hugyaw Davao: Night of Fun and Colors sa Rizal Park.
Mag-paugnat sa kusog ang mga myembro sa LGBTQ+ community alang sa Pride Sportsfest karong Hunyo 21 hangtud 23 sa Davao City Recreation Center.
Koronahan sab ang bag-ong Reyna ng Davao karong Hunyo 22 nga ipahigayon sa USEP Gymnasium.
Murampa sab ang mga rayna alang sa Duaw Davao Pride Parade sa may dalang Roxas Rizal karong Hunyo 23.
Karong Hunyo 27 hangtud 30 ang Davao Turismo Arts and Food Trucks Bazaar sa may Rizal Park.
Maghugyaw sab ang mga Dabawenyo alang sa kapistahan ni San Pedro pinaagi sa Paghiusayaw sa San Pedro Square karong Hunyo 29, ug mag-atbang ang mga pinakahawod sa mobule game nga Mobile Legends alang sa MLBB Tournament karong Hunyo 30 sa Davao City Recreation Center.
Una nang gikanayon ni DCOO Head Jennifer Romero nga magtuyok ang summer festival sa upat ka component: Davao Tourism, Feast of San Pedro, Pride Month, ug Lifestyle and Leisure.
Hisgotan usab ang kasaysayan ug street tourism tungod sa pagpakoig-uban sa City Government of Davao sa ika-176 nga parochial fiesta sa San Pedro Cathedral.
Kini ang dugang nga festival dinhi sa Davao City nga himoong yearly tradition matag summer sugod karong tuiga.
via || Bombo LJF
