DAVAO CITY – Gihatagan og katinawan sa usa ka personahe gikan sa Philippine Institute of Volcanology and Seismology (PHIVOLCS), nga walay koneksyon sa sagunsong linog sa Davao De Oro ang mga nadungog sa mga residente ilawom sa yuta sa Brgy Bukal sa Nabunturan, Davao de Oro.
Sumala pa ni Daniel Buhay, Geologist sa PHIVOLCS, subay sa ilang gipahigayon nga pagsusi sa nasangpit nga lugar, posible resulta kini sa nahitabong landslide o paglihok mismo sa yuta gumikan sa linog.
Giklaro usab sa opisyal nga tectonic ang gigikanan sa linog ug wala’y nakitaang volcanic activity partikular na sa Mt. Leonard Kniaseff.
Apan, pabilin gipahimangnoan niini ang mga residente ilabi na sa mga posibilidad sa landslide ilabi na nga nagpadayon gihapon nakatala ang buhatan og mga aftershocks human sa Magnitude 5.9 nga linog kaniadtong Marso 7.
