DAVAO CITY – Mohatag ug dugang 30 million pesos matag bulan si pangulong Rodriigo Duterte aron punduhan ang Lingap Program sa dakbayan sa Dabaw.
Sumala pa kang councilor Victorio Advincula Jr, chairperson sa Committee on social services nga ang dugang pundo direktang maggikan sa Office of the President nga magsugod karong tuiga.
Sa kasamtangan, ang Lingap program dili lamang motabang sa mga residnete sa dakbayan kung dili lakip na niadtong mga naggikan sa kasikbit nga mga probensiya.
Sa pikas bahin, gibutyag usab ni Advincula nga ginatrabaho na sa iyang komitiba ang pagpahimutang ug guidellines alang sa paghatag ug tabang sa pamilya sa namatay nga mga senior citizens subay sa kamanduan ni Mayor Sara Duterte-Carpio, gawas pa sa assistance nga makuha gikan sa Lingap.
I-priority sa syudad ang mga senior citizens nga walay burial o service plans ug wala usab nagdawatan ug pension gikan sa bisan asa nga ahensiya sa kagamhanan.
Makadawat ug singko mil ka pesos nga burial assistance ang kabanay sa namatay nga senior citizens sa higayong makompleto na ang IRR.
