DAVAO CITY – Lima ka mga konsehal ang gikatala nga nakaduso ug pinakadaghan nga mga resolution sa ika-dese otso nga konseho ning dakbayan sa Davao.
Kini gikan niadtong Hulyo sa milabay nga tuig. Enero hangtud sa Pebrero sa tuig 2017.
Nag-una kanila si Konsehal Pilar Braga – 86 ka mga resolution, Konsehal Junjun Ibuyag – 64, Konsehal Bernanrd Al-Ag – 39, Konsehal Danny Dayanghirang – 40 ug Konsehal January Duterte – 38.
Samtang ang lima sab ka mga nag-una nga mga konsehal sa ika-dese otso nga konseho nga nakaduso ug daghanan nga mga ordenansa gipangunahan ni Konsehal Marisa Abella – 36 ka mga ordenansa, Konsehal Bernanrd Al-ag – 28, Konsehal Conde Baluran – 22, Konsehal Victorio Advincula, Jr. – 8, ug konsehal Jimmy Dureza – 7.
Ang nahisgutan nga mga ordenansa napalabang sa sama gihapon nga panahon. Traynta y tres ka mga sesyon ang napahigayon sa konseho ning dakbayan sa Davao.
Baynte singko niini natigayon niadtong 2016. Sumala pa kang SP Secretary Charito Santos nga gilauman nila nga mapun-an pa ang mga resolution ug mga ordenansa nga mapalabang sa konseho karong tuiga.
