Gihukman sa Sandiganbayan nga mabilanggo ug unom hangtod sa napulo katuig nga pagkabilanggo sa matag ihap sa graft ang lima ka mga kanhi hataas nga opisyal sa Philippine National Police (PNP), gumikan sa anomalosong ghost procurements sa mga spare parts sa pagpa-repair sa mga police armored vehicle units kaniadtong 2007.
Samtang gi-abswelto usab sa kaso si kanhi PNP Chief ret. Gen. Avelino Razon, kauban sila si kanhi Lt. Col. Rainier Espina, kanhi PNP Accounting Division Chief Antonio Retrato ug pipila pa ka pribadong suppliers homan napakyas ang prosecution nga pamatud-ang guilty ang mga nahisgutan kaso.
Sa desisyon sa Sandiganbayan Fourth Division, nahukman nga guilty sila si PNP Logistics Support Service Bids and Awards Committee (LSS-BAC) Chair Col. Emmanuel Ojeda; Vice Chairman Col. Reuel Leverne Labrado; LSS purchasing officer Lt. Col. Josefina Dumanew; LSS BAC Members Maj. Analee Forro, MSgt. Victor Puddao, ug Lt. Col. Henry Duque; LSS inspection officer Lt. Col. Warlito Tubon ug mga non-uniformed personnel nga sila si Eulito Fuentes ug Alex Barrameda.
Aduna kini kalabutan sa procurement aron pulihan ang ligid sa V-150 personnel carriers nga mubalor sa P2.78 million; pagpalit ug supplies ug spare parts nga mubalor sa P134.388 million; ghost procurement sa P8.705 million supplies ug maintenance nga mubalor sa P239.61 million. Gimando-an usab ang mga nahisgutan sa korte nga mubayad ug damyos nga P83.9 milyon sa PNP nga adunay interes nga 6%.
