DAVAO CITY – Napahimutang na ang mga security forces sa dakbayan sa Davao alang sa Palarong Pambansa 2019 nga gikatakda karong Abril 27 hangtud na sa Mayo 4.
Kadaghanan sa nahisgutan nga dula ipahigayon sa Davao City UP Sports Complex sa Bago Oshero.
Nasayran gikan kang Police Captain Teresita Plaza Gaspan, tigpamaba sa Davao City Police Office (DCPO) nga mokabat ngadto sa singko mil ka mga police ug mga sakop sa Task Force Davao (TFDavao) ang ilang gipakatag aron nga mobantay sa mga delegado ug mga atleta sa sulod sa billeting quarters sa Bago Oshero ug sa mga dapit diin ipahigayon ang mga dula.
Gitataw ni Gaspan nga wala maapektohi ang deployment sa mga police sa mga pampubliko nga mga lugar ug gipahugtan nila ang ilang intelligence monitoring.
