DAVAO CITY – Usa ka pastor ug lain pang upat ka indibidwal ang nasikop human naaktuang nagpahigayon ug sugal nga hantak sa may Sitio San Isidro, Barangay New Clarin, Bansalan, Davao del Sur, niadtong Biyernes sa gabii.
Sa gilusad nga Anti-Illegal Gambling Operation sa Bansalan Municipal Police sa lugar, nadakpan sila Pastor Aballe Lanticse, 65 anyos; Jose Nacus Labayan, 52 anyos; Antonio Dorador Hamtig, 63 anyos; George Cadenas Lanticse, 37 anyos, pulos taga Barangay Clarin, Bansalan, Davao del Sur; ug si Marlon Tangaro Bensorto, 52 anyos nga taga-Barangay Kasuga, Magsaysay, Davao del Sur.
Nasignit gikan sa mga dinakpan ang mga gambling parapernalia ug ang P800 nga gigamit sa pampamusta.
Gikustodiya na ang mga dinakpan sa Bansalan Municipal Police Station nga mag-atubang sab ug kasong paglapas sa Presidential Decree No.1602 kon Philippine Gambling Laws.
via || Bombo LJ Florendo
