DAVAO CITY – Ipasibaw sa Davao City Police Office ang maximum tolerance sa mga grupo nga maglusad og lihok protesta karong Labor Day, Mayo 1 ning tuiga.
Sumala ni DCPO Spokesperson, Police Maj. Catherine dela Rey nga tugotan ang mga progresibong grupo nga mag-rally basta anaa lamang sila sa Freedom Park sa may dalang Roxas, ning dakbayan.
Kon ugaling magprotesta ang mga grupo sa gawas sa gitaganang lugar, dili sila magduha-duha ang kapulisan nga papahawaon sila.
Mukabat sa lapas 140 ka mga personahe ang ilang ipakatag dili lamang sa Freedom Park, kon dili sa ubang parte sab sa Davao City aron dili makahigayon sa pagprotesta sa laing lugar ang mga progresibong grupo.
Gilaumang magmalinawom ang paglusad og Labor Day Rally susama sa mga nakalabayng tuig.
vial || Bombo LJF
