DAVAO CITY – Giisip nga lig-on nga kampo sa Bangsamoro Freedom Fighters (BIFF) ang nailog sa kasundalohan sa lalawigan sa Maguindanao.
Giabandona sa mga rebelde ang ilang lig-on nga posisyon nga nahimutang sa utlanan nga bahin sa Barangay Kitango, Barangay Lower Salvo, Datu Saudi Ampatuan, Maguindanao.
Nailog sa pwersa sa 2nd Mechanized Batallion Philippine Army ang nahisgutan nga kampo, diin gikompirma ni joint task force central spokesman ug Civil Military Operation (CMO) Mindanao Regiment Commander Col. Jerry Loisana nga misaka na sa baynte singko ang nangamatay BIFF ug baynte siete ang angol sa katag-katag nga panagsangka sa Datu Saudi Ampatuan ug Datu Salibo.
Samdon sab sa bahin sa tropa sa kagamhanan si PFC Renier Molato, sakop sa 23rd Company sa 2nd Mechanized Batalion Philippine Army ug tulo ka mga sibilyan nga naigo sa tipaka sa bala sa mortar.
