DAVAO CITY – Gipabakwit ang mga libohan ka mga katawhan nga nahimuyo sa landslide prone area sa Davao Region gumikan nga nakatala kini og landslide ug flashflood tungod sa Bagyong Vicky nga miigo sa rehiyon.
Gani, nagpahigayon ang lokal nga kagamhan og pre-emptive evacuation sa nagkadaiyang munisipalidad sa Davao de Oro nga gilangkuban sa nabunturan, monkayo, New bataan ug Mawab.
Kalabot niini, gimandoan ang mga residente nga mag igmat gumikan nga nag landfall na ang Bagyong Vicky ngadto sa Bagangga, Caraga Areas sa Davao Oriental.
Gawas niini, nakasinati sab og pag ulan ang dakbayan sa Davao.
Sumala sa pamahayag Davao City Disaster Risk Reduction and Management Office Head Alfredo Baluran nga gipabakwit na sab niini ang mga residente nga namuyo sa flood ug landslide prone area ug nakig-alayon na sab kini sa mga opisyal sa Barangay aron masiguro ang kaluwasan sa mga katawhan hilabi na karon nga milandfall na ang nahisgutan nga bagyo.
Hinuon, gibutyag sa Office of Civil Defense XI nga padayon gihapon ang ilahang pag monitor sa mga lugar gumikan adunay landslide, street flooding ug pagsaka sa level sa tubig sa mga sapa sa Davao Region.
