DAVAO CITY – Aron masiguro ang kahusay ug kalinaw sa dakbayan karong holiday season o panahon sa kapaskohan, liboan ka mga sakop sa kapulisan ang ipakatag sa nagkadaiyang lugar dakbayan.
Laraw sab sa nahisgutan nga lakang nga matutokan ang mga lugar sa siyudad nga sagad dagsaon sa mga tawo.
Una ng gipahigayon kagahapong adlawa sulod sa Davao City Police Office (DCPO) compound ang send off ceremony sa mga kapulisan kini aron nga bantayan ang mga Mall, Terminal , simbahan ug daghanan pa ingon man ang City Hall nga ginadagsa karon sukad nga gipasiga ang mga Christmas lights.
Gawas sa mga security personnel sa siyudad, kapin 500 sab ka mga augmentation gikan sa Police Regional Office (PRO)-11 ang ipadala sa dakbayan aron nga motabang sa pagbantay sa palibut.
Laraw niini nga makab-ot ang zero untoward incident panahon sa holiday season.
Nanawagan sab ang otoridad ngadto sa publiko ug kooperasyon ilabi na ang pagtuman sa minimum health standards ilabi na nga nagpadayon pa karon ang bahad sa covid-19 ingon man ang bag-ong variant nga Omicron.
Gikanayong sa Enero 22, 2022 molungtad ang deployment sa mga security personnel dinhi sa siyudad.
