DAVAO CITY – Nanawagan ang lokal nga panggamhanan ngadto sa mga nanag-iya ug sakyanan nga mas maayong sulayan ang libre nga test sa paggamit ug Biodiesel Fuel (BDF) aron nga masayran kung unsa kini ka-epektibo.
Kahinumduman nga una ng gibutyag ni Davao City Assistant City Administrator Tristan Dwight Domingo, nga target nila nga hangtud Oktubre ning kasamtanga nga tuig ang pagpahigayon ug emission monitoring sa mga sakyanan nga gipadagan gamit ang BDF.
Nasayran nga ang mga sakyanan nga nangolekta ug ginamit nga mantika dinhi sa siyudad nga migamit sumala pa ug BDF.
Welcome sumala pa ang mga buot mosulay sa Biodiesel aron nga daghanang sakyanan ang nahilakip sa ilang database kung epektibo ba ang maong klase sa gasolina.
Sa milabay nga bulan sa Agosto 2017, una ng gipangunahan ni Davao City Mayor Sara Z.
Duterte-Carpio kauban si Japan State Minister to Foreign Affairs Nakane Kazuyuki ug uban pang representante ang pag-blessing sa moang P10-million BDF machine.
Gipasalig sab ni Domingo nga pabiling gimonitor sa City Environment and Natural Resource Office ang solid waste management sa dakbayan ingon man ang pagpangolekta sa mga ginamit nga mantika.
