DAVAO CITY – Gipaniguro sa lokal nga kagamhanan sa dakbayan sa Dabaw nga dili mangilabot sa atubangon nga kaso sa mga city building officials nga ipasaka sa Inter-agency anti arson task force.
Kini ang may kalabutan sa pagkasunog sa NCCC Mall nga gikamatay sa dul-an 38 ka mga tawo niadtong desyembre 23, sa nakalabay nga tuig. Gibarugan ni Mayor Sara Duterte nga angayang atubangon sa nahisgutang mga opisyal ang kaso gumikan kay kini ang migawas nga resulta sa gipahigayong imbestigasyon.
Partikular na niini ang kasong paglapas sa Republic Act 3019 o anti graft and corrupt practices act may kalabutan sa partisipasyon sa city building official pag-issue ug permit alang sa katukuran ug sa gipatumang renovation sa nahisgutang mall.
Dugang pa ni Mayor Inday nga isip pagpakita sa impartiality sa iyang buhatan sundon nila ang tanang mga rekomendasyon sa task force. Gawas sa city buiding officials, mag-atubang usab ug susamang kaso ang pipila ka mga opisyal sa Philipppine Economic Zone Authority (PEZA).
Samtang mga kasong Imprudence ug neglegence ang atubangong kaso sa mga opisyal sa NCCC Mall, SSI ug rockfort construction.
