Positibo ang Legal Counsel sa The Kingdom Of Jesus Christ (KOJC) nga si Atty. Israelito Torreon nga sa dili madugay ma dismissed ra ang mga kaso nga gikaatubang sa iyahang mga kliyente, partikular na si Pastor Apollo Quiboloy.
Sumala pa niini nga dali na lamang matud pa kining na dismissed, gumikan una na matud pa kining na dismissed ang maong kasong rape nga gibatok ngadto kang Pastor Quiboloy kaniadtong tuig 2020 sa Davao City Prosecutor’s Office.
Lakip sab nga nagpaabot si Torreon sa iyahang patimbaya ngadto kang PBGen. Nicolas Torre III gumikan nakab-ot na matud pa ang mga pangandoy niini, ug nalipay matud pa siya sa naangkon nga bag-ong taas nga posisyon sa maong opisyal.
Kahinumdumang una na kining nagkainitay ug nakatinubagay, kaniadtong wala pa mipatim-aw si Pastor Quiboloy, diin nag resulta kana sa pagtaas sa tensiyon tali sa mga KOJC missionaries ug sa kapulisan nga milungtad ug 16 ka adlaw ang kaguliyang, sa gawas ug sulod sa KOJC Compound.
