DAVAO CITY – Himoon nga inter-active ang uban nga mga kalihukan sa Kadayawan Festival 2018.
Sumala pa kang Festival Director Gatchi Gatchalian nga aron nga mamahimong doul ang mga turista sa kasaulogan mamahimo sila nga maka-apel sama sa mga dula sa lumad ug moro.
Makahimo sab sila sa pagsakay sa mga floats sa parade, labi na sa pamulak.
Hinoon limitahan lamang kini gumikan kay dili dili man sab ingon ana ka daghan ang mga floats ug himoon kini pinaagi sa pagpakig-alayon ngadto sa tag-iya sa float.
Lahi matud pa ang kasenati-an kung makadoul ug makasalmot ang mga bisita, sama sa mga langyaw.
Dugang pa ni Gatchalian nga mopahiluna sab ug ‘food hall’ diin matilawan ang mga pagka-on nga gama sa mga lumad ug moro.
Gitataw sa organizer nga gipadaku ang kalihukan karong tuiga nga dunay gahin nga mokabat ngadto sa P44 milyones ka pesos.
