Kuha sa usa ka video ang usa ka langgam diin gituohang kining usa ka baby Eagle sa Davao De Oro kagahapong adlawa pasado alas 5:00 ang takna sa hapon.
Gipost kini sa usa ka netizen sa iyahang social media account diin gikanayon niini nga natingala na lamang matud pa kini nga adunay natagak sumala pa, apan sa dihang ilaha kining gisuta, nakita nila ang maong langgam nga anaa sa kilid sa maong municipal hall.
Sa karun, wala pa usab pagpaklaro nga gibutyag ang taga Philippine Eagle Foundation, labit sa unsa ba gayod kini nga matang sa species.
Hinuon, dali sab kining gi-rescue sa mga personahe sa Municipal Environment and Natural Resources Office (MENRO) ug gi-endorso usab gilayon kini sa City ENRO.
Laraw sab karung na kuhaon taga Philippine Eagle Foundation ang naasoyng langgam, aron sa pagsuta og unsa ba gayod kini nga matang sa specie, ug lakip na usab nga maatiman kini.
